एमालेका स्थानीय जनप्रतिनिधिसहित विभिन्न पार्टीबाट माओवादीमा प्रवेश

काठमाडौं । नेकपा (एमाले) का स्थानीय जनप्रतिनिधिसहित एमाले र नेपाली कांग्रेसका कार्यकर्ता माओवादी केन्द्रमा प्रवेश गरेका छन् ।

एमाले रौतहट जिल्ला मोलापुर नगरपालिकाका वडाअध्यक्षका प्रत्यासी तथा कार्यपालिका सदस्य कामेश्वरप्रसाद साह कानूसहितका दर्जन बढी नेता तथा कार्यकर्ता माओवादीमा प्रवेश गरेको प्रचण्डको निजी सचिवालयले जनाएको छ ।

त्यसैगरी सुदूरपश्चिमबाट नेपाली कांग्रेसमा क्रियाशील पूर्वशिक्षक जयराज भट्ट, व्यवसायी विष्णु भट्ट र पत्रकार विनोदप्रसाद भट्ट पनि प्रवेश गरेको बताइएको छ ।

नव प्रवेशीहरूलाई प्रचण्डले खुमलटारमा एक कार्यक्रमकाबीच स्वागत गरेका थिए । सो अवसरमा अध्यक्ष प्रचण्डले मधेस प्रदेशमा मधेसी जनताको पहिचान र अधिकारको लागि लड्ने पार्टी माओवादी केन्द्र नै भएको बताएका थिए ।