एमसीसीमा ठोस धारणा बनाउन लोसपाले बोलायो संसदीय दल बैठक
नेपाल प्रेस
२०७८ फागुन ११ गते ११:०३
काठमाडौं । लोकतान्त्रिक समाजवादी पार्टी (लोसपा) संसदीय दलको बैठक आज बस्दैछ । बबरमहलस्थित पार्टी केन्द्रीय कार्यालयमा दिउँसो १ बजेका लागि बैठक बोलाइएको छ ।
उक्त बैठकमा अमेरिकी अनुदान सहयोग मिलेनियम च्यालेन्ज कर्पोरेशन (एमसीसी) लगायत समयसामयिक विषयमा छलफल हुने नेता लक्ष्मणलाल कर्णले जानकारी दिए ।
उनका अनुसार आजको बैठकले एमसीसीबारे पार्टीको ठोस धारणा सार्वजनिक गर्नेछ । लोसपाको संसदीय दल १३ सदस्यीय छ ।
एमसीसी सम्झौता सदनमा पेस भइसकेको अवस्थामा राजनीतिक दलका गतिविधि, छलफल र बैठकलाई महत्वका साथ हेरिँदै आएको छ ।
– रासस
नेपाल प्रेस
प्रकाशित: २०७८ फागुन ११ गते ११:०३
प्रतिक्रिया
सम्बन्धित खवर
