एमसीसीको छलफलमा गिरिराजमणिको आग्रह- लेन्डुप दोर्जेको बाटोमा नहिडौं (भिडिओ)

काठमाडौं । एमसीसीका विषयमा संसदमा चलिरहेको बहसमा सत्तारुढ दल नेकपा माओवादी केन्द्रका संसदहरुबीच नै मतभेद देखिएको छ । नेता मात्रिका यादवले एमसीसीको व्याख्यात्मक घोषणाको स्वागत गर्दै भाषण गर्दा अर्का नेता गिरिराजमणि पोखरेलले यो व्याख्याको कुनै कानूनी हैसियत नभएको भन्दै आलोचना गरे ।

नेता यादवले व्याख्यात्मक घोषणाले जनताको माग सम्वोधन भएको टिप्पणी गरेका थिए । व्याख्यात्मक घोषणा पनि एमसीसीको अंग हुने र यसलाई अमेरिकाले स्वीकार्नुपर्ने उनको भनाइ थियो ।

यादवले भने, ‘कतिपयले भनिरहेका छन्, माओवादीले सडकमा ढुंगा हान्न लगायो, अनि संसदबाट पारित गर्यो । तर, यदि यस्तो आन्दोलन नगरेको भए आज यो व्याख्यात्मक घोषणा आउने थिएन । जनताको माग सम्वोधन भएको छ ।’
तर, यादवको भनाइलाई माओवादीकै नेता पोखरेलले खण्डन गरे । उधारो घोषणाबाट एमसीसी पारित गर्न नहुने भन्दै उनले लेन्डुप दोर्जेको बाटोमा नहिँड्न आह्वानसमेत गरे ।

पोखरेलले भने, ‘हाम्रो माग यसबाट सम्वोधन हुँदैन । यस्तो एकतर्फी घोषणाको कुनै कानूनी हैसियत पनि हुँदैन । एमसीसी आज पारित नगरौं । लेन्डुप दोर्जेको बाटोमा नहिँडौं ।’