कीएभनजिकै पुग्न लाग्यो आधुनिक हतियारसहित रुसी सेनाको लस्कर
नेपाल प्रेस
२०७८ फागुन १७ गते १४:१२
कीएभ । युक्रेनमा रूस आक्रमणको छैटौं दिन आधुनिक हतियारसहित रुसी सेना राजधानी कीएभनजिकै पुगेको छ ।
सार्वजनिक भएका केही तस्बिरहरुमा रुसी सेना बख्तरबन्द गाडीसहित त्यसतर्फ गइरहेको देखिन्छ । आधुनिक हतियार, बख्तरबन्द गाडीसहित रुसी सेनाको ६० किलाेमिटर भन्दा लामो लाइन रहेको छ ।
भूउपग्रहसम्बन्धी कम्पनी म्याक्सआर टेक्नोलोजिले सार्वजनिक गरेका तस्बिरहरुमा रुसी सेना बख्तरबन्द गाडी र आधुनिक हातहतियारसहित किएभतर्फ गइरहेको लस्कर देख्न सकिन्छ ।
रुसी सेना राजधानीबाट लगभग २७ किलोमिटर टाढा एन्टोनोभ एयरपोर्ट नजिकै पुगेका छन् ।
स्याटेलाइट तस्बिरमा इरपिन र स्टोयङ्का नजिकै क्षतिग्रस्त पुल समेत देखिएको छ साथै तस्बिरहरूमा दक्षिण बेलारुसमा सैनिक र युद्धका हेलिकप्टरहरू देखिएका छन् । यो क्षेत्र युक्रेनी सीमाबाट ३० किलोमिटर मात्र टाढा छ ।
नेपाल प्रेस
प्रकाशित: २०७८ फागुन १७ गते १४:१२
प्रतिक्रिया
सम्बन्धित खवर
