ओलीको प्रश्न- प्रचण्ड त्यति साह्रो किन आत्तिनुभयो ? (भिडिओ)

काठाडौं । नेकपा (एमाले) का अध्यक्ष केपी शर्मा ओलीले एसीसीलाई लिएर माओवादी केन्द्रका अध्यक्ष प्रचण्ड निकै आत्तिएको भन्दै कटाक्ष गरेका छन् ।

प्रचण्डको नाम नलिइकन मंगलबार आयोजित पत्रकार सम्मेलनमा ओलीले भने, ‘एकजना उहाँको म थर भन्न चाहान्नँ । एकजनाले त के भाषण गर्नुभयो भने केपी ओली फेरि प्रधानमन्त्री भए भने नेपालको सर्वनाश हुन्छ । उहाँको म थर भन्न चाहान्नँ कसले भनेको भनेर । किन आत्तिनुभयो उहाँ त्यति साह्रो ? नेपालको पार्टी पनि ध्वस्त हुन्छ । अनि त्यस कारणले एमसीसी पास गरियो भन्नुहुन्छ उहाँ ।’

ओलीले प्रचण्ड, माधवहरूको कुनै भविष्य नरहेको समेत दाबी गरे । ‘उहाँहरूको हैसियतले एक्लै चुनावमा जान दिँदैन,’ ओलीको भनाइ छ, ‘राम्रै बुझ्नु भएको छ। उहाँहरूको कुनै भविष्य छैन ।’