रेडक्यापले ल्याए अर्को र्याप (भिडिओसहित)
नेपाल प्रेस
२०७८ फागुन १८ गते ११:०५
काठमाडौं । उदीयमान कलाकार गौरव पौडेल (रेडक्याप)ले अर्को र्यापगीत सार्वजनिक गरेका छन् । उनले यसपटक ‘हाँस हाँस’ शीर्षकको र्यापगीत बजारमा ल्याएका हुन् ।
र्यापगीतप्रति आफ्नो क्रेजलाई प्रस्तुत गर्दै रेडक्यापले उक्त गीत ल्याएका हुन् । उनको गीतमा समसामयिक विषयका धेरै सवाल प्रस्तुत भएका छन् ।
गीतको शब्द उनैले लेखेका हुन् । उनले आगामी दिनमा फरक स्वादका गीत पस्कँदै जाने बताए ।
उनले यसअघि ‘ताल न बेताल’ शीर्षकमा दोहोरी र र्यापको मिश्रण शैलीको गीत बजारमा ल्याएका थिए । रेडक्यापको शब्द रहेको उक्त गीतमा दृष्टि पौडेलले आवाज दिएकी छन् । गीतको र्याप भागमा रेडक्यापले नै स्वर भरेका छन् ।
नेपाल प्रेस
प्रकाशित: २०७८ फागुन १८ गते ११:०५
प्रतिक्रिया
सम्बन्धित खवर
