जनकपुरमा एक युवकमाथि गोली प्रहार: पेस्तोल बरामद, प्रहार गर्ने फरार
नेपाल प्रेस
२०७८ फागुन २२ गते ११:२४
सांकेतिक तस्बिर ।
जनकपुरधाम । धनुषाको जनकपुरधाम उपमहानगरपालिका– १९ बेंगाशिवपुरमा एक यूवकमाथि गोली प्रहार भएको छ ।
धनुषाका एसपी वसन्त रजौरेका अनुसार गोली प्रहारबाट १८ वर्षीय मुकेश मुखिया घाइते भएका छन् । कमला नगरपालिका– ७ का मुखियामाथि शनिबार राति गोली प्रहार भएको हो । उपचारका लागि उनलाई काठमाडौं लगिएको छ ।
मुखिया बेंगाशिवपुरस्थित मामा भोगी मुखियाको घरमा बस्दै आएका छन् । मामाको किराना पसलमा बसेका बेला उनीमाथि गोली प्रहार भएको थियो ।
एसपी रजौरले गोली प्रहार गर्ने व्यक्ति फरार भएको र घटनास्थलबाटै पेस्तोल बरामद भएको जानकारी दिए । उनले गोली प्रहार गर्ने व्यक्तिको पहिचान भइसकेको र खोजी गरिरहेको बताए ।
नेपाल प्रेस
प्रकाशित: २०७८ फागुन २२ गते ११:२४
प्रतिक्रिया
सम्बन्धित खवर
