प्रस्तावित केन्द्रीय सदस्यमा सहमति नजुटेपछि माओवादीमा लफडा
नेपाल प्रेस
२०७८ फागुन २३ गते १७:५६
काठमाडौं । नेकपा (माओवादी केन्द्र)को जारी केन्द्रीय समिति बैठकमा अध्यक्ष पुष्पकमल दाहाल ‘प्रचण्ड’ले प्रस्ताव गरेको केन्द्रीय सदस्यमा सहमति नजुटेपछि विवाद बढेको छ ।
बैठकमा रिक्त केन्द्रीय सदस्य र मनोनीत १५ प्रतिशतसहित अध्यक्ष प्रचण्डले ९७ जनाको नाम केन्द्रीय सस्यका लागि प्रस्ताव गरेका थिए ।
प्रस्तावित नाममध्ये केहीमा नेताहरुले नै असन्तुष्टी जनाएपछि लफडा भएको बैठकमा सहभागी एक केन्द्रीय सदस्यले जानकारी दिए ।
नेताहरुले आफ्ना पनि मान्छे समेटिनुपर्ने भन्दै नाम दिएपछि त्यो संख्या २५ सय पुगेको बताइएको छ । प्रस्तावित नामले विवाद बढाएपछि हाललाई प्रस्ताव स्थगन गर्नेबारे पनि बैठकमा छलफल भइरहेको बताइएको छ ।
अहिलेलाई २९७ जनाको मात्रै समिति बनाउने र बाँकी पछि निर्णय गर्नेगरि बैठक सम्पन्न गर्न लागिएको एक नताले जानकारी दिए ।
नेपाल प्रेस
प्रकाशित: २०७८ फागुन २३ गते १७:५६
प्रतिक्रिया
सम्बन्धित खवर
