माओवादीको कर्णाली प्रदेशमा बल्ल पूर्ण पदाधिकारी, यस्तो बन्यो केसी नेतृत्वको टिम

काठमाडौं । अधिवेशन सकिएको लामो समयपछि माओवादीको कर्णाली प्रदेश समितिले पूर्ण नेतृत्व पाएको छ । शुक्रबार सुर्खेतमा बसेको कर्णाली प्रदेश समितिको दोस्रो बैठकले बाँकी पदाधिकारी चयन गरेको हो ।

गत मंसिर २५ मा प्रदेश अधिवेशन उद्घाटन भइ अध्यक्षमा विमला केसी चयन भएकी थिइन । तर, बाँकी पदाधिकारी टुंग्याउन विवाद भएपछि लामो समय अध्यक्ष र सदस्य मात्रैको समिति थियो ।

बैठकले तीन उपाध्यक्ष चयन गरेको छ । जसमा सल्यानका कर्णबहादुर बुढाथोकी, जाजरकोटका ढकवीर राना र सुर्खेतका कृष्ण जिसी रहेका छन् ।

त्यस्तै सचिवमा कालिकोटका धनजित शाही चयन भएका छन् । तीन सहसचिवमा जुम्लाका बीरबहादुर कुवँर, हुम्लाका लालकेश जैसी र मुगुका विर्खबहादुर थापा चयन भएका छन् । कोषाध्यक्षमा डोल्पाका मालबहादुर रोका चयन भएका छन् ।

२ सय ११ जनाको प्रदेश समिति रहेको कार्णालीमा कार्यालय टिम पनि बनाइएको छ। कार्यालय टिममा प्रेम कटवाल र रातो कामीसहित ११ जना रहेको बताइएको छ।