कांग्रेस महामन्त्री थापाले अर्थतन्त्रबारे निजी क्षेत्रसँग छलफल गर्दै

काठमाडौं । नेपाली कांग्रेसका महामन्त्री गगन थापाले अर्थतन्त्रको पछिल्लो अवस्थारे निजी क्षेत्रसँग छलफल गर्ने भएका छन् ।

महामन्त्री थापाले आज उद्योग वाणिज्य महासंघ, नेपाल उद्योग परिसंघ, चेम्बर अफ कमर्शलगायत संस्थाका अध्यक्ष एवं प्रतिनिधिहरूसँग अर्थतन्त्रबारे छलफल गर्न लागेका हुन् ।

‘अर्थतन्त्रमा देखिएका समस्याबारे महामन्त्रीले छलफल गर्न लाग्नुभएको हो । यो नियमित छलफल हो । महामन्त्री भइसकेपछि उहाँले सबै क्षेत्रसँग संवदलाई निरन्तरता दिनुभएकै छ’, महामन्त्री थापानिकट एक नेताले बताए ।

आजको छलफलमा उद्योग वाणिज्य महासंघका अध्यक्ष शेखर गोल्छा, परिसंघका अध्यक्ष विष्णु अग्रवाल र चेम्बर अध्यक्ष राजेन्द्र मल्ललगायतलाई बोलाएको छ ।