राप्रपा नेपाल पर्सामा यादव, बाजुरामा सुनुवार चयन
नेपाल प्रेस
२०७८ चैत १ गते १७:११
काठमाडौं । कमल थापा नेतृत्वको राप्रपा नेपालले जनवर्गीय संगठनसँगै विभिन्न जिल्लामा समितिहरु गठन गरिरहेको छ ।
मंगलबार मात्रै राप्रपा नेपालले पर्सा जिल्ला अध्यक्षमा जङ्ग बहादुर यादवलाई चयन गरेको छ । यादवको नेतृत्वमा २१ सदस्यीय समिति गठन भएको राप्रपा नेपाल केन्द्रीय सचिवालयले जनाएको छ ।
उता, बाजुरा जिल्लाको अध्यक्षमा कमल सुनुवार चयन भएका छन् । सुनुवारको अध्यक्षतामा १९ सदस्यीय राप्रपा नेपाल बाजुरा जिल्ला कार्य समिति गठन भएको छ ।
जनवर्गीय संगठनहरु धार्मिक, मुश्लिम, उत्पीडित र सांस्कृतिक संगठनको घोषणा सभाको तयारी अन्तिम चरणमा पुगेको सो पार्टीले जनाएको छ ।
नेपाल प्रेस
प्रकाशित: २०७८ चैत १ गते १७:११
प्रतिक्रिया
सम्बन्धित खवर
