एउटाबाट बैना लिएर अर्कैलाई जग्गा बेच्ने व्यक्ति पक्राउ
![](https://www.nepalpress.com/wp-content/uploads/2020/11/nepalpress-logo-n.png)
२०७८ चैत ६ गते १८:१८
![](https://www.nepalpress.com/wp-content/uploads/2022/03/pakrau-3.jpg)
मोरङ । जग्गा बैना लिएर फरार भएका एक व्यक्ति पक्राउ परेका छन् ।
भक्तपुर दुवाकोटमा रहेको चार आना जग्गा प्रतिआना २१ लाखमा मोल छिनेर बैना लिएका ललितपुर–३ घर भई हाल काभ्रेपलाञ्चोक धुलिखेल बस्दै आएका ४९ वर्षीय ध्रुवप्रसाद घिमिरेलाई प्रहरीले पक्राउ गरेको हो ।
ध्रुवले बेलबारी(३ की सीमा सुवेदीसँग बैनाबापत ४५ लाख ५० हजार रकम लिएको प्रहरीले बताएको छ ।
बैना लिएर सम्पर्कमा नआएपछि भक्तपुर मालपोत कार्यालयमा बुझ्दा अर्कैको नाममा पास गरेको खुलेको छ ।
महानगरीय प्रहरी अपराध महाशाखाको टोलीले घिमिरेलाई दरबारमार्गबाट पक्राउ गरेको हो ।
प्रतिक्रिया
सम्बन्धित खवर