कांग्रेस केन्द्रीय समिति बैठकअघि पौडेल निवासमा जिल्ला सभापतिको भेला

काठमाडौं । नेपाली कांग्रेसका नेता रामचन्द्र पौडेलले स्थानीय तहको निर्वाचनमा सत्तारुढ दलहरूसँग गठबन्धन गर्ने कि नगर्ने भन्ने बारेमा राय लिन जिल्ला सभापतिहरूलाई बोलाएका छन् ।

बोहोराटारस्थित आफ्नै निवासमा जिल्ला सभापतिहरूसँग छलफलका आधारमा दिउँसो २ बजे बस्ने केन्द्रीय समिति बैठकमा वरिष्ठ नेता पौडेलले गठबन्धन गरेर जाने कि नगरी जाने भन्ने बारेमा आफ्नो धारणा राख्ने छन् ।

पौडेलले बोलाएको छलफलमा पूर्वमहामन्त्री डा. शशांक कोइराला, कानूनमन्त्री दिलेन्द्रप्रसाद बडु, केन्द्रीय सदस्य दीपक गिरी, केन्द्रीय सदस्य मधु आचार्य , तनहुँ सभापति जितप्रकाश आले, बाजुरा सभापति रामसिंह रावल, पाल्पा सभापति हिमालदत्त श्रेष्ठलगायत सहभागी छन् ।