कांग्रेस बैठकको दोस्रो दिन : चुनावी तालमेलमै छलफल (तस्बिरहरु)

काठमाडौं । आसन्न स्थानीय निर्वाचनमा चुनावी तालमेल गर्ने वा नगर्ने भन्नेबारे निर्णय लिन कांग्रेस केन्द्रीय समितिको बैठकमा छलफल सुरु भएको छ ।

शुक्रबारदेखि सुरू भएको बैठकमा प्रदेश सभापति र २० भन्दा बढी केन्द्रीय सदस्यहरूले धारणा राखिसकेका छन् । आजको बैठकमा पनि विभिन्न जिल्लामा चुनावी अभियानका लागि खटाइएका केन्द्रीय सदस्यहरुले धारणा राख्नेक्रम सुरू भएको छ । केन्द्रीय सदस्यहरूलाई बोल्नका लागि ५-५ मिनेटको समय उपलब्ध गराइएको छ ।

कांग्रेसका संस्थापन पक्ष चुनावी तालमेलका पक्षमा छ भने डा. शेखर कोइराला नेतृत्वको पक्ष चुनावी तालमेल केन्द्रबाट नभइ स्थानीय आवश्यकताका आधारमा स्थानीय समितिमार्फत हुनुपर्ने पक्षमा छ ।

तस्बिरहरु : गौरव पौडेल