भ्रातृ संस्थामा एकाधिकार लादेको भन्दै देउवामाथि शेखर समूहको खबरदारी (तस्बिरहरू)
नेपाल प्रेस
२०७८ चैत १४ गते १४:४४
काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले पार्टीका भ्रातृ संगठनहरुमा एकलौटी मनोनयन गरेभन्दै नेता शेखर कोइराला पक्षले समानान्तर भेला गरेका छन् ।
गत बुधबार सभापति देउवाले नेपाल विद्यार्थी संघ र तरुण दलको अध्यक्ष मनोनयन गरेपछि असन्तुष्ट पक्षले समानान्तर भेलाको आयोजना गरेको हो ।
बत्तिसपुतलीस्थित अनुपम फुडल्याण्डमा जारी खबरदारी भेलामा शेखर समूहका नेताहरू चन्द्र भण्डारी, गुरुराज घिमिरे प्रमुख वक्ता छन् ।
देउवाको एकाधिकारपूर्ण मनोनयनको खवरदारीका लागि भेला आयोजना गरिएको नेताहरुले बताएका छन् ।
इतरपक्षसँग छलफल नै नगरी भ्रातृ संस्थाहरुमा मनोनयन गरिएपछि अबको बाटो के हुने भन्ने विषयमा पनि छलफल जारी रहेको नेताहरुको भनाइ छ ।
तस्बिरहरु : उमेश कार्की
नेपाल प्रेस
प्रकाशित: २०७८ चैत १४ गते १४:४४
प्रतिक्रिया
सम्बन्धित खवर
