बुद्धचित्तको मालासहित विमानस्थलमा समातिए कोरियन नागरिक
नेपाल प्रेस
२०७८ चैत १४ गते १६:३०
काठमाडौं । नेपाल प्रहरीले बुद्धचित्तको मालासहित एक जनालाई पक्राउ गरेको छ । नेपाल प्रहरीको त्रिभुवन विमानस्थल सुरक्षा कार्यालयबाट खटिएको टोलीले अवैध रुपमा बुद्धचित्तको माला लिएर कोरिया जान लागेको अवस्थामा उनलाई पक्राउ गरेको हो ।
अवैध रुपमा बुद्धचित्तकाे माला लिएर काेरिया जान लागेका राहदानी नम्बर एम ८०९०९५६४ भएका कोरियन नागरिक सुन युङ जाङलाई प्रहरीले आइतबार राति पक्राउ गरेको प्रहरीले जनाएको छ । पक्राउ परेका जाङ कतार एयरलाइन्सको उडानद्वारा काठमाडौँबाट कतारको दोहा हुँदै कोरिया जान लागेका थिए ।
प्रहरीले उनकाे साथबाट १५३ थान बुद्धचित्तको मालासमेत बरामद गरेको बताएकाे छ ।
प्रतिक्रिया
सम्बन्धित खवर