भोजपुरको लेखर्कमा नेकपा एसको सिंगो कमिटी एमालेमा समाहित
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/03/bhojpur-lekharka-prabes-1.jpg)
भोजपुर । टेम्केमैयुङ गाउँपालिका-९ लेखर्कमा नेकपा एसको पूरै कमिटी नेकपा एमालेमा समाहित भएको छ ।
वडा कमिटीका अध्यक्ष सन्तोष चाम्लिङ नेतृत्वको २१ सदस्यीय कमिटी एमालेमा प्रवेश गरेको एमाले भोजपुरका अध्यक्ष शरणकुमार राईले बताए ।
![](https://www.nepalpress.com/wp-content/uploads/2022/03/bhojpur-lekharka-uml-prabes.jpg)
वडास्तरीय कार्यकर्ता भेलामा अध्यक्ष राई, गाउँपालिका अध्यक्ष एवं प्रदेश कमिटी सदस्य ध्रुव राईलगायतका नेताहरूले उनीहरूलाई स्वागत गरे । स्थानीय निर्वाचन नजिकिँदै जाँदा भोजपुरमा माओवादी, कांग्रेस र एसबाट नेता-कार्यकर्ता प्रवेश गरिरहेका छन् ।
यसअघि टेम्केमैयुङ गाउँपालिकाकै वडा नम्बर ६ कोटमा माओवादी केन्द्रबाट निर्वाचित वडाध्यक्ष सूर्य नेपालसहितका जनप्रतिनिधि र सम्पूर्ण वडा कमिटी एमालेमा समाहित भएको थियो ।