एमालेविरुद्ध तेह्रथुममा पाँच दलीय गठबन्धन
नेपाल प्रेस
२०७८ चैत १५ गते १८:१५
काठमाडौं । स्थानीय तहको निर्वाचन नजिकिँदै गर्दा राजनीतिक दलहरुले निर्वाचन केन्द्रीत गतिविधिहरु तीव्र बनाउन थालेका छन् ।
सत्तामा रहेको दलहरु केन्द्रबाट गठबन्धन गरेर नै निर्वाचनमा जाने मुडमा हुँदा जिल्लास्तरमा पनि आफूअनुकुलका गठबन्धन बन्न थालेका छन् ।
तेह्रथुममा एमाले विरुद्ध नेपाली कांग्रेस, नेकपा माओवादी केन्द्र, नेकपा एकीकृत समाजवादी पार्टी, जनता समाजवादी पार्टी र लिम्बुवान पार्टी नेपालले गठबन्धन गरेका हुन् ।
एक विज्ञप्ती जारी गर्दै त्यहाँका पाँच दलले जिल्ला गठबन्धन कार्यदल गठन गरिएको जनाएका छन् । गोविन्द प्रसाद ढुंगानाको संयोजकत्वमा गठबन्धन कार्यदल निर्माण गरिएको हो ।
नेपाल प्रेस
प्रकाशित: २०७८ चैत १५ गते १८:१५
प्रतिक्रिया
सम्बन्धित खवर
