एमालेविरुद्ध रुपन्देहीमा पाँच दलको तालमेल तयारी, यस्तो छ एमाले हराउने रणनीति

रुपन्देही । स्थानीय तहको निर्वाचनका लागि नेकपा एमालेविरुद्ध सत्ता गठबन्धनमा आवद्ध पाँच दलले रुपन्देहीमा चुुनावी तालमेल गर्ने निचोडमा पुगेका छन् ।

नेपाली कांग्रेस रुपन्देहीको पार्टी कार्यालय भैरहवामा बसेको गठबन्धनमा आवद्ध दलहरुको बैठकले चुनावी तालमेलको आवश्यकता ठहर गर्दै त्यसका लागि जिल्लास्तरीय संयन्त्र गठन गरेको छ ।

कांग्रेस रुपन्देहीका सभापति रामकृष्ण खाँणको संयोजकत्वमा नेकपा माओवादी केन्द्रका जिल्ला सयोंजक नारायण जिसी, जनता समाजवादी पार्टीका जिल्ला अध्यक्ष रामअवतार यादव, नेकपा एकीकृत समाजवादीका अध्यक्ष राजुु गुुरुङ र राष्ट्रिय जनमोर्चाका जिल्ला अध्यक्ष बद्रे आलम सदस्य रहेको समिति गठन गरेको छ ।

उक्त समितिले आगामी स्थानीय तहको निर्वाचनकामा जिल्लाको वस्तुुस्थिति बुुझी केन्द्रलाई सुुझाव पठाउने छ । भने जिल्लामा आवश्यक रणनीति तय गर्नेछ जिम्मेवारी पाएको छ । संयन्त्रले आआफ्नो पार्टीको स्थानीय तहमा बस्तुुस्थिति बुुझेर आफ्नो नेतृत्वको दाबीका विषयमा चैत २२ गते थप छलफल गर्ने जनाइएको छ ।

बैठकमा नेपाली कांग्रेसका केन्द्रीय सदस्य अब्दुुल रज्जाक, कांग्रेस रुपन्देहीका सभापति खाँण, उपसभापति थानेश्वर घिमिरे, शुुसिल गुरुङ, माओवादी केन्द्रका जिल्ला इन्चार्ज हकिकुल्ला खाँ, जनता समाजबादीका अध्यक्ष रामअवतार यादव, केन्दीय सदस्य देवेन्द्र पाण्डे, एकीकृत समाजबादीका ईन्चार्ज सिद्धीचरण भट्टराई, माओबादी केन्द्रका सोनीया यादव, माओबादीकै केन्द्रीय सदस्य महसुद अलीलगायतले धारणा राखेका थिए ।