एमाले प्रवेश गरेका भगवतीमाईका अध्यक्ष थापा समाजवादीबाट निष्कासित
नेपाल प्रेस
२०७८ चैत १९ गते १३:५४
सुर्खेत । नेकपा एकीकृत समाजवादीले कर्णाली प्रदेश कमिटी सदस्य दानबहादुर थापालाई पार्टीबाट निष्कासन गरेको छ ।
शुक्रवार एमाले प्रवेश गरेका थापालाई समाजवादीले पार्टीबाट निष्कासन गरेको जनाएको हो ।
उनी भगवतीमाई गाउँपालिका इन्चार्ज एवं भगवतीमाई गाउँपालिकाका अध्यक्ष समेत हुन् ।
नेकपा एसले जारी गरेको विज्ञप्ति अनुसार उनलाई चैत ६ गते नै पार्टीबाट निष्कासन गरिएको हो ।
आज एक विज्ञप्ति जारी गर्दै नेकपा एस कर्णाली प्रदेश कार्यालय सचिव वसन्त कुमार विश्वकर्माले जारी गरेको विज्ञप्ति एसका कर्णाली प्रदेश अध्यक्ष अम्मरबहादुर थापाले फेसबुकमार्फत शेयर गरेका छन् ।
नेपाल प्रेस
प्रकाशित: २०७८ चैत १९ गते १३:५४
प्रतिक्रिया
सम्बन्धित खवर
