प्रचण्ड-माधवप्रति ओलीको टिप्पणी : भीखमँगा जसरी कांग्रेसको पछिपछि दूनो थापेर हिँडेका छन् (भिडिओ)
नेपाल प्रेस
२०७८ चैत २० गते १४:२९
काठमाडौं । नेकपा एमालेका अध्यक्ष केपी शर्मा ओलीले आफ्नो पार्टीको सरकार पाँच वर्ष टिक्न नदिन आपराधिक कर्ममा लागेका प्रचण्ड–माधव नेपाल अहिले कांग्रेसको पछिपछि दूनो थापेर हिँडेको टिप्पणी गरेका छन् ।
बुद्धिजीवी परिषद्को महाधिवेशनलाई सम्बोधन गर्दै अध्यक्ष ओलीले लिम्पियाधुरासहितको नक्सा निकालेकै दिनदेखि आफ्नो सरकार ढाल्न तत्कालीन नेकपाका अध्यक्ष प्रचण्ड र माधव नेपालले अनेक षडयन्त्र रचेको आरोप लगाए ।
ओलीले भने–चुच्चे नक्सा छाप्दा यिनको मन दुख्यो अनि कम्युनिस्ट सरकार ढाल्न हाम्फालेर हिँडेका हुन् । यिनीहरूले सकेका भए त कम्युनिस्ट आन्दोलन नै सिद्ध्याउने,पार्टी कब्जा गर्ने योजना थियो । तर हामीले सmपल हुन नदिएपछि आफ्नै सरकार कांग्रेसलाई बुझाउन अदालततिर गए ।
अध्यक्ष ओलीले अहिले प्रचण्ड–माधव एक्लै जनतामा जान नसक्ने भएकाले कांग्रेसको पछिपछि भीखमंगाजसरी दूनो थापेर केही सिट माग्दै हिँडेको आरोप लगाए ।
पाँच दलीय गठबन्धनलाई अपराधको संज्ञा दिँदै उनले कम्युनिस्ट आन्दोलन सिद्ध्याउन हिँडेकाहरूले अपराधको सजाय पाउने बताए ।
नेपाल प्रेस
प्रकाशित: २०७८ चैत २० गते १४:२९
प्रतिक्रिया
सम्बन्धित खवर
