केजीएफ सुपरस्टार यशको नेपालीहरुलाई सन्देश : केजीएफ २ हेर्नुस् मजा लिनुहोस्

काठमाडौं । दक्षिण भारतीय सिनेमाका सुपरस्टार यशले नेपालीहरुलाई आफ्नो चलचित्र हेरिदिन आग्रह गर्दै भिडिओ सन्देश जारी गरेका छन् ।

नेपालमा पनि बहुप्रतिक्षित सिनेमाको रुपमा लिदैँ आइएको यश अभिनित चलचित्र केजीएफ २ आगामी अप्रिल १४ देखि नेपालमा पनि प्रदर्शनमा आउने भएको छ ।

उनले भिडिओमा भनेका छन्, ‘नमस्ते नेपाल। मेरो फिल्म केजिएफः च्याप्टर २ अप्रिल १४ मा नेपालमा प्रदर्शन हुँदैछ। हेर्नुहोस्, अनि खुब मज्जा लिनुहोस् ।’

पछिल्लो समय भारतीय सिनेमाहरुले नेपाललाई उत्कृष्ट व्यपारिक स्थलकोरुप लिदैँ नेपाल केन्द्रित भिडिओ सन्देशहरु सम्प्रेषण गर्दै आएका छन् ।

यसअघी बाहुबली नायक प्रभास ,वरुण धवनलगायतका कलाकारहरुले पनि नेपालीहरुलाई आफ्नो फिल्म हेरिदिन आग्रह गर्दै भिडिओ सन्देश जारी गरेका थिए । अप्रिल १४ गतेकै दिन नेपाली सिनेमा ‘ए मेरो हजुर ४’ पनि प्रदर्शनमा आउने भएको छ ।