पदभार ग्रहण गर्दै कानूनमन्त्रीले भने- शान्ति प्रक्रियाका बाँकी काम पूरा गर्छु
नेपाल प्रेस
२०७८ चैत २४ गते १६:४२
काठमाडौं । नवनियुक्त कानून, न्याय तथा संसदीय मामिलामन्त्री गोविन्द शर्मा कोइरालाले शान्ति प्रक्रियाका बाँकी काम सम्पन्न गर्न आफ्नो ध्यान केन्द्रित गर्ने बताएका छन् ।
राष्ट्रपति विद्यादेवी भण्डारीबाट पद तथा गोपनीयताको सपथ लिएपछि मन्त्रालयमा पदभार ग्रहण गर्दै विभिन्न कारणले शान्ति प्रक्रियाका बाँकी काम सम्पन्न हुन नसकेको भन्दै आफ्नो ध्यान यसैमा केन्द्रित गर्ने प्रतिबद्धता जनाएका हुन् ।
प्रधानमन्त्रीले शान्ति प्रक्रियाका विषयलाई निष्कर्षमा पुर्याउन दिएको जिम्मेवारी पूरा गर्ने मन्त्री शर्माको भनाइ छ ।
‘सत्यनिरुपण तथा मेलमिलाप आयोगलाई क्रियाशील बनाउनका लागि आवश्यक कानून बनाउँछु’, उनले भने ।
नेपाल प्रेस
प्रकाशित: २०७८ चैत २४ गते १६:४२
प्रतिक्रिया
सम्बन्धित खवर
