कलम देखाउँदै भृकुटीमण्डपमा नाचे माधव नेपाल (भिडिओ)

काठमाडौं । नेकपा एकीकृत समाजवादीका अध्यक्ष माधवकुमार नेपाल पार्टीका नेता–कार्यकर्तासँग नाचेका छन् । भृकुटीमण्डपमा आयोजित जनसभामा पार्टीको चुनावचिन्ह ‘कलम’ देखाउँदै नेपाल नाचेका हुन् ।

जनसभाको समापनपछि कलाकारहरुले ‘हाम्रो चुनाव चिन्ह कलम सबैले भोट यसैमा हालम्’ बोलमा गीत गाएका थिए । सोही गीतमा अध्यक्ष नेपाल कलम देखाएर उत्साहपूर्वक नाचेका हुन् । पार्टीका सम्मानित नेता झलनाथ खनालले थपडी बजाउँदै साथ दिए ।

नेकपा एसको जनसभा आज निर्धारित समयभन्दा दुई घन्टा ढिला गरी सुरु भएको थियो । सभास्थल नजिकै एउटा रेस्लिङ प्रतियोगिता भइरहेकाले अध्यक्ष नेपाल लगायतका नेताहरु लामो पर्खाइमा परे । त्यसो त उक्त रेस्लिङ प्रतियोगिताको उद्घाटन पनि नेपालले नै गरेका थिए ।

कार्यकर्ता ओसार्न स्कुल बस

नेकपा एसको सभामा कार्यकर्ता ओसार्न स्कुल बस प्रयोग गरिएको थियो ।

साँखुस्थित एभरग्रिन हाइयर सेकेन्डरी स्कुलको बसमा पार्टीको झण्डा राखेर कार्यकर्ताहरु ओसारिएको हो ।