अर्थमन्त्री भाग्नुपर्ने अवस्था आउने सुरेन्द्र पाण्डेको चेतावनी, गैरकानूनी काम गरिरहेको आरोप (भिडिओ)
नेपाल प्रेस
२०७८ चैत २७ गते १४:१४
काठमाडौं । नेकपा एमालेका उपाध्यक्ष तथा पूर्व अर्थमन्त्री सुरेन्द्र पाण्डेले अर्थमन्त्री जनार्दन शर्माले कानून विपरीत काम गरिरहेको भन्दै आफ्नै गलगत कामका कारण अर्थमन्त्री भाग्नुपर्ने अवस्था आउन सक्ने चेतावनी दिएका छन् ।
एमालेले आइतबार आयोजना गरेको पत्रकार सम्मेलनमा पूर्व अर्थमन्त्री पाण्डेले श्रीलंकामा अर्थमन्त्री भाग्नुपरेको भन्दै नेपालको अर्थमन्त्रीको अवस्था पनि त्यही हुन सक्ने बताए ।
पाण्डेले गलत नीति नै आर्थिक संकटको कारण भएकाले नेपालमा अर्थमन्त्री भाग्ने दिन आउन नदिन गम्भीर बन्न सुझाव दिए ।
उनले अर्थमन्त्री शर्माले विदेशबाट आएको अवैध रकम छुटाउन दबाब दिनु गम्भीर अपराध भएकाले यसको छानबिन हुनुपर्ने बताए ।
पाण्डेले त्यस्तो रकम छुटाउन अर्थमन्त्रीले गभर्नरलाई पत्र लेख्नु नै गैरकानूनी रहेको बताए ।
नेपाल प्रेस
प्रकाशित: २०७८ चैत २७ गते १४:१४
प्रतिक्रिया
सम्बन्धित खवर
