दैलेख चामुण्डा विन्द्रासैनीको मेयरमा कांग्रेसबाट आठ उम्मेदवार

सुर्खेत । दैलेखको चामुण्डा विन्द्रासैनी नगरपालिकाको प्रमुखका लागि नेपाली कांग्रेसबाट आठ जनाको दावेदारी परेको छ । यस्तै उपप्रमुखमा तीन जनाको दाबी परेको कांग्रेसले जनाएको छ ।

मेयरका लागि वासुदेव शर्मा, इश्वर कुमार विष्ट, गणेशबहादुर शाही, गणेश कुमार शाही, महेन्द्र शाही, सर्पराज शाही, इन्द्रा कुमारी शाही र राजेश कुमार शाहीको दाबी परेको छ ।

उपमेयका लागि ललिता कुमारी थापा शाही, विमला सिंजाली र रेखा शाहीको दाबी परेको हो ।

यी सबै उम्मेदवारको नामावली जिल्ला कार्यसमिति हुँदै प्रदेश समितिमा पुगेको छ ।