जागिर छाडेर वडाध्यक्षमा उम्मेदवारी
नेपाल प्रेस
२०७८ चैत २८ गते २३:००
बैतडी । आगामी वैशाख ३० हुने स्थानीय तह निर्वाचनमा देशभरी नै उम्मेदवारी घोषणाको लहर चलेको छ ।
राजनीतिक दलहरूले २०७४ को आफ्नो विरासत जोगाउने गरि उम्मेदवार तय गरिरहेका छन्, भने केही जागिर नै छाडेर उम्मेदवारी घोषणा गरिरहेका छन् ।
यसैबीच बैतडीको डिलासैनीमा नरेन्द्र बहादुर माल आँसुले जागिर छाडेर वडाध्यक्षमा उम्मेदवारी दिने भएका छन् ।
नेकपा माओवादी केन्द्रको तर्फबाट उनले पालिकाको वडा नम्बर ६ अध्यक्षको उम्मेदवारी दिने भएका हुन् । आज बसेको बैठकले माललाई उम्मेदवार बनाउने निर्णय गरेको हो ।
मालले उम्मेदवारी दिन गोकुलेश्वर कृषि तथा पशु विज्ञान कलेजबाट राजीनामा दिएका हुन् । त्यहाँ उनी कर्मचारीका रूपमा कार्यरत थिए ।
यस्तै वडा सदस्यमा राम नाथ तुफानलाई उम्मेदवार बनाइएको छ ।
नेपाल प्रेस
प्रकाशित: २०७८ चैत २८ गते २३:००
प्रतिक्रिया
सम्बन्धित खवर
