नारायण दाहालको गुनासो- प्रचण्डको भाइ भएका कारण मैले योगदान अनुसारको अवसर पाइन (भिडिओ)

काठमाडौं । राष्ट्रियसभा सदस्यमा मनोनीत भएका माओवादी नेता नारायणप्रसाद दाहालले अध्यक्ष प्रचण्डको पारिवारिक सदस्य भएकै कारण आफूले योग्यताअनुसारको अवसर धेरैपटक गुमाउनुपरेको गुनासो गरेका छन् ।

राष्ट्रियसभा सदस्यको सपथग्रहणपछि नेपाल प्रेससँग कुरा गर्दै सांसद दाहालले माओवादी आन्दोलनमा प्रचण्ड र आफू एकैदिन होलटाइमर भएर हिँडेको र सिंगो परिवार जनयुद्धमा सामेल भएको बताए ।

दाहालले भने, ‘अध्यक्ष कमरेड र म एकैदिन होलटाइमर भएको बरु यस्तै कुराले गर्दा अध्यक्षको कारण मैले धेरै अवसर गुमाउनु परेको छ । हिजो जनयुद्धमा अध्यक्षको परिवार र मेरो छोरा बुहारी श्रीमती सबै जनयुद्धमा लागेका हौं ।’

भरतपुरको मेयर प्रचण्डको छोरीलाई र सांसद भाइलाई दिएको भनेर आलोचना भइरहेको प्रश्नमा दाहालले भतरपुरमा गएर विकास हेर्न सुझाव दिए । उनले अब रेनु दाहाललाई माओवादीले होइन भरतपुरका जनताले खोजी गरेको बताए ।