नारायण दाहालले लिए राष्ट्रियसभा सदस्यको सपथ (भिडिओ)
काठमाडौं । राष्ट्रियसभा सदस्य नारायणप्रसाद दाहालले सपथ लिएका छन् ।
सिंहदरबारमा आयोजित एक समारोहबीच अध्यक्ष गणेश प्रसाद तिमिल्सिनाले पद तथा गोपनीयताको सपथ गराएका छन् ।
विहीबार बसेको मन्त्रिपरिषद् बैठकको सिफारिसमा राष्ट्रपति विद्यादेवी भण्डारीले राष्ट्रिय सभाको सदस्यमा दाहाललाई मनोनीत गरेकी हुन् ।
उनी माओवादी अध्यक्ष प्रचण्डका भाइ (काकाका छोरा) हुन् ।
दाहाल माओवादी केन्द्रका अध्यक्ष प्रचण्डका काकाका छोरा हुन् भने उनी पार्टीको केन्द्रीय सदस्य पनि छन् ।
यसअघि उनी संविधानसभा सदस्य पनि भइसकेका थिए । नेकपा एकता कालमा उनी पार्टीको वागमती प्रदेश कमिटी अध्यक्ष थिए ।
रामनारायण बिडारीको अवधि सकिएपछि रिक्त रहेको पदमा उनी मनोनीत भएका हुन् ।