रामेछापमा एमालेका २ पालिका र १३ वडाध्यक्ष सर्वसम्मत सिफारिस (सूचीसहित)

नेपाल प्रेस

२०७८ चैत २९ गते १७:२७

मन्थली । नेकपा एमालेले रामेछापका ६४ वटा वडाध्ये १३ वडाध्यक्षका उम्मेदवार सर्वसम्मत सिफारिस गरेको छ । सम्बन्धित वडा कमिटीहरूबाटै सहमतिमा उम्मेदवार सिफारिस भएको र यो क्रम चलिरहेको जिल्ला अध्यक्ष आनन्दकुमार श्रेष्ठले जानकारी दिए ।

हालसम्म रामेछाप नगरपालिका र सुनापति गाउँपालिकाको प्रमुख पदका उम्मेवदार पनि सर्वसम्मत भएका छन् । रामेछाप नगरपालिकाको मेयरमा रोशन पाख्रिन र उपमेयरमा सीता केसी सर्वसम्मत सिफारिस भएका छन् ।

रामेछाप नगरपालिकाका अधिकांश वडाध्यक्षका उम्मेदवार पनि सर्वसम्मत भएका छन् । मेयर र उपमेयरका उम्मेदवारहरु मतदाता समक्ष घरदैलोमा जान थालिसकेका छन् । पाख्रिन अघिल्लो चुनावमा कांग्रेसका नरबहादुर मगरसँग एक सय मतले पराजित भएका थिए ।

त्यस्तै सुनापती गाउँपालिका अध्यक्षमा ज्ञानकुमार योन्जन सर्वसम्मत सिफारिस भएका छन् । योन्जन २०५४ सालमा दिमी पोखरी गाविस अध्यक्ष भएका थिए । उनी पछिल्लो नेकपा विभाजनपछि माओवादी छाडेर एमालेमा लागेका हुन् ।यसबीच सुनापति गाउँपालिका अध्यक्षमा आफ्नो पनि दावी यथावत रहेको राजकुमार मैनालीले बताएका छन् ।

यी हुन् सर्वसम्मत सिफारिस भएका वडाध्यक्ष उम्मेदवार