गोहीलाई हानेको गोली लागेर युवकको मृत्यु

जनकपुरधाम । नदीमा मगर गोही मार्न चलाएको गोली लागेर बारामा एक युवकको मृत्यु भएको छ ।

सिकारीले चलाएको गोली लागेर जितपुर सिमरा उपमहानगरपालिका १६ का २८ वर्षीय सागर सिंजालीको मृत्यु भएको हो ।

वीरगञ्जस्थित बयोधा अस्पतालमा उपचारको क्रममा उनको मृत्यु भएको बाराका प्रहरी प्रवक्ता डिएसपी राजेश थापाले जानकारी दिए

धर्मनगरस्थित बालगङ्गा नदीमा मगर सिकारीले चलाएको गोली लागेर बुधबार राति उनी घाइते भएका थिए । सिकारीको खोजी र घटनाबारे अनुसन्धान भइरहेको प्रहरीले जनाएको छ ।