मेलिना राईले सार्वजनिक गरिन् प्रेमी, दुई वर्षअघि नै ईंगेजमेन्ट भएको खुलासा
नेपाल प्रेस
२०७९ वैशाख २ गते १६:५६
काठमाडौं । चर्चित गायिका मेलिना राईले सामाजिक सञ्जालमार्फत आफ्नो प्रेमी सार्वजनिक गरेकी छन् ।
प्रेमी सञ्जिब बराइलीसँगको तस्वीर पहिलोपटक फेसबुकमा पोष्ट गरेकी हुन् ।
मेलिना र सञ्जिव पाँच वर्षदेखि गुपचुप प्रेममा थिए । सञ्जिव नेपालका सर्वाधिक चर्चित र व्यस्त गिटारिस्ट तथा कम्पोजर हुन् । उनको घर बिर्तामोडमा हो भने हाल काठमाडौंकै वासिन्दा हुन् ।
नेपालप्रेससँग कुरा गर्दै मेलिनाले आफूहरु चाँडै बिहेको तयारीमा रहेको जानकारी दिइन् ।
‘डेट फाइनल भएको छैन, तर यसै वर्ष विवाह हुन्छ,’ उनले भनिन् ।
हिजो नयाँ वर्षको अवसर पारेर तस्बिर सार्वजनिक गर्ने योजना भए पनि आफू बाहिर भएकाले एक दिन ढिला भएको मेलिनाले बताइन् ।
मेलिना नेपालकी सफल र चर्चित गायिमामा पर्छिन् । युट्यूवमा हालसम्मकै सर्वाधिक भ्यूज पाएको नेपाली गीत ‘कुटुमा कुटु’ उनले गाएकी हुन् ।
नेपाल प्रेस
प्रकाशित: २०७९ वैशाख २ गते १६:५६
प्रतिक्रिया
सम्बन्धित खवर
