प्रचण्ड भन्छन्- संविधान मास्न खोज्ने षड्यन्त्रविरुद्ध एकजुट हौं
नेपाल प्रेस
२०७९ वैशाख २ गते १७:१६
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले संविधान मास्ने र परिवर्तन उल्ट्याउन खोज्नेविरुद्ध एकजुट हुनुपर्ने बताएका छन् ।
शुक्रबार पार्टी कार्यालय पेरिसडाँडामा एमाले नुवाकोटका नेता माधव पाण्डेलगायतलाई माओवादी प्रवेश गराउँदै प्रचण्डले यसअघि पनि संघीय लोकतान्त्रिक गणतन्त्र उल्ट्याउने षड्यन्त्र भएको भन्दै परिवर्तन उल्ट्याउन खोज्नेविरुद्ध एकजुट हुनुपर्ने बताएका हुन् ।
देश र विकासको नेतृत्व गर्ने माओवादी नै भएको प्रचण्डको दाबी छ । मधेसी, थारु, आदिवासीलगायत सवै समुदायको पहिचान र अधिकार माओवादी कै कारण भएको पनि उनले जिकिर गरे ।
कार्यक्रममा मधेस र सुदूरपश्चिम क्षेत्रका विभिन्न दल त्यागेकाहरूलाई स्वागत गरिएको थियो ।
नेपाल प्रेस
प्रकाशित: २०७९ वैशाख २ गते १७:१६
प्रतिक्रिया
सम्बन्धित खवर
