सिद्धार्थनगरमा गठबन्धनबाट अलग्गियो जसपा

रुपन्देही । जनता समाजवादी पार्टी, नेपाल (जसपा) सिद्धार्थनगर नगर समितिले पाँच दलीय गठबन्धनमा सहभागी नहुने निर्णय गरेको छ ।

सिद्धार्थनगर नगरपालिकामा गठबन्धनबाट स्थानीय तहको निर्वाचनमा पार्टीलाई बाहेस गरिएको र कार्यकर्तामा निरासा भइ भविष्यमा पार्टीलाई घातक हुने संकेत देखिएकाले उक्त निर्णय गरिएको जसपा सिद्धार्थनगर अध्यक्ष अर्जुनप्रसाद जैसवालले बताए ।

जसपा नगर समितिको निर्णय बमोजिम पाँच दलीय गठबन्धनमा नजान अनुरोध गर्दै पार्टीको जिल्ला समन्वय समितिलाई पत्र पठाइएको जैसवालले जानकारी दिए ।

गठबन्धनबाट अलग्गिएको जानकारी जसपाको लुम्बिनी प्रदेश कार्यसमिति र केन्द्रीय कार्यालयमा समेत गराएको छ ।