काठमाडौं महानगरमा विवेकशील साझाका उम्मेदवारका यस्ता छन् एजेण्डा (पूर्णपाठ)

काठमाडौं । ५ वर्षअघिको स्थानीय तह निर्वाचनमा काठमाडौं महानगरपालिकाको मेयरमा चौथो र उपमेयरमा तेस्रो स्थान पाएका उम्मेदवारको उपस्थितिमा विवेकशील साझा पार्टीले दुवै पदमा नयाँ महिला अनुहार अघि सारेको छ ।

शनिवार काठमाडौंमा आयोजित पत्रकार सम्मेलनमा सो पार्टीका तर्फबाट मेयरमा समीक्षा बास्कोटा र उपमेयरमा कीर्ति तुलाधरको तर्फबाट प्रतिबद्धता पत्र सार्वजनिक गरेको हो ।

३८ वर्षीया बास्कोटा कानूनमा स्नातकोत्तर हुन् भने ६२ वर्षीया तुलाधर अन्तर्राष्ट्रिय जेजीजको पहिलो दक्षिण एसियाली महिला उपाध्यक्ष थिइन् ।

पत्रकार सम्मेलनमा अघिल्लो निर्वाचनमा मेयर उम्मेदवार बनेर १८ हजार ४९४ मत पाएर चौथो स्थानमा रहेका सहरी विकास विज्ञ किशोर थापाले आफूले सोचेभन्दा बढी मत दिने काठमाडौंका मतदाताप्रति धन्यवाद दिँदै यस पटक समीक्षा बास्कोटालाई मत दिन आग्रह गरे ।

उपमेयर उम्मेदवार बनेर १३ हजार मतसहित तेस्रो भएका निरुपमा यादवले पनि सोही पत्रकार सम्मेलनमा यस पटक झन् धेरै विश्वास प्राप्त होस् भनेर दुवै पदमा महिलालाई अघि सारिएको बताइन् ।

पार्टी अध्यक्ष रवीन्द्र मिश्रको उपस्थितिमा आयोजित कार्यक्रममा सो पार्टीका तर्फबाट काठमाडौं महानगरपालिकाको विकासका लागि ७ बुँदे मूल एजेण्डा सार्वजनिक गरिएको छ ।

जसमा भ्रष्टाचार नियन्त्रण,सुशासन र सेवा प्रवाह,सुलभ व्यवस्थित विद्युतीय यातायात,नेवा कला संस्कृतिको पुनर्जागरण,खुला क्षेत्रको संरक्षण र विस्तार,नदीनालाको सफाइ र पुनर्स्थापना,सफा व्यवस्थित काठमाडौँ र गुणस्तरीय शिक्षा, स्वास्थ्य र सामाजिक सुरक्षालाई जोड दिएको छ ।

काठमाडौं महानगरमा साझा विवेकशील पार्टीको प्रतिबद्धता पत्र यस्तो छ ।

तस्बिरहरू : उमेश कार्की