सभामुखको गुनासो- मलाई काम गर्न सहज वातावरण बनेन (भिडिओ)

काठमाडौं । सभामुख अग्निप्रसाद सापकोटाले संविधानअनुसारको दायित्व पूरा गर्न आफूलाई सहज वातावरण बन्न नसकेको गुनासो गरेका छन् ।

आइतबार काठमाडौंमा भ्रष्टाचारविरुद्ध कार्टुन प्रदर्शनी ‘निसाना’ को उद्घाटन गर्दै सभामुख सापकोटाले आफुले गर्नुपर्ने दायित्य पूरा गर्न प्रयत्न गरेपनि उचित वातावरण बन्न नसकेको बताए ।

सभामुखको काम कानून निर्माणमा नेतृत्व गर्ने, गुणस्तरीय कानून निर्मााणका साथै बनेका कानूनको संसदीय निगरानी गर्नु रहेको भएपनि त्यसका लागि आवश्यक वातावरण बनाउने ठूलो कुरा रहेको सापकोटाको भनाइ छ ।

उचित वातावरण बनाउनका लागि आफूले पहल गरेपनि विभिन्न अप्ठ्यारो रहेको उनले सुनाए ।

नेपाल कार्टुनिष्ट क्लबले आयोजना गरेको प्रदर्शनी आर्ट काउन्सिलमा वैशाख ६ सम्म चल्नेछ । करिब तीन दर्जन कार्टुनिष्टहरूद्वारा तयार पारिएका भ्रष्टाचारविरोधी काटुर्नहरू देशका सातै प्रदेशमा प्रदर्शन गर्ने क्लबले जनाएको छ ।