आजको मौसम : केही पहाडी क्षेत्रमा वर्षाको सम्भावना

काठमाडौं । हाल नेपालमा पश्चिमी र स्थानीय वायुको सामान्य प्रभाव रहेको मौसम पूर्वानुमान महाशाखाले जनाएको छ ।

अहिले देशका पहाडी भू-भागमा आंशिक बदली रही अन्य भू-भागमा मौसम सफा छ । अबको २४ घण्टा पहाडी भू-भागका एक-दुई स्थानमा मेघ गर्जन/चट्याङ्गसहित क्षणिक वर्षाको सम्भावना रहेको महाशाखाले जनाएको छ ।

राति भने मौसम सफा रहनेछ ।

तराई तथा चुरे क्षेत्रमा गर्मी बढ्ने भन्दै महाशाखाले सतर्कता अपनाउन अनुरोध गरेको छ ।