माओवादीले छान्यो रुकुम पश्चिममा उम्मेदवार, गठबन्धन भए फिर्ता बोलाइने

सुर्खेत । नेपाल कम्युनिष्ट पार्टी माओवादी केन्द्रले रुकुम पश्चिमका स्थानीय तहका लागि उम्मेदवार छानेको छ ।

स्थानीय तह निर्वाचन प्रयोजनार्थ गठित उम्मेदवार छनोट तथा सिफारिस समितिले पालिकाका प्रमुख/उपप्रमुख तथा अध्यक्ष/उपाध्यक्षका उम्मेदवारहरु टुङ्गो लगाई प्रदेश समितिमा सिफारिस गरेको हो ।

जसमा चौरजहारी नगरपालिकाको प्रमुखमा पुष्प वादी र उपप्रमुखमा ईश्वरीकुमारी शर्मा विएम, आठबीसकोट नगरपालिकाको प्रमुखमा रवि केसी र उपप्रमुखमा धनकुमारी शाही तथा मुसिकोट नगरपालिकाको प्रमुखमा वसन्त शर्मा र उपप्रमुखमा मिलन खड्का उम्मेदवार बन्ने भएका छन् ।

यस्तै सानीभेरी गाउँपालिकाको अध्यक्षमा बिर्खबहादुर विष्ट र उपाध्यक्षमा कमला रोका पुन, त्रिवेणी गाउँपालिकाको अध्यक्षमा गणेशकुमार केसी र उपाध्यक्षमा राजकुमारी रेउले तथा बाँफिकोट गाउँपालिकाको अध्यक्षमा चन्द्रबहादुर केसी र उपाध्यक्षमा तारा बुढा केसी चयन भएका छन् ।

सोमबार बसेको बैठकले जिल्ला समन्वय समिति प्रमुख पदको लागि महिला उम्मेद्वार बनाउने निर्णय गरिएको प्रचार विभाग प्रमुख ध्रुवविक्रम बुढाथोकीले बताए । उनका अनुसार गठबन्धनको निर्णय कार्यान्वयन गर्न आवश्यक परे जोकोहीको उम्मेदवारी पनि फिर्ता हुन सक्नेछ ।