पाकिस्तानमा नयाँ मन्त्रिपरिषद् गठन , राष्ट्रपतिले गराएनन् शपथ ग्रहण
नेपाल प्रेस
२०७९ वैशाख ६ गते १३:५२
काठमाडौं । पाकिस्तानमा नयाँ मन्त्री परिषद् गठन भएको छ ।
इमरान खान विरुद्धको अविश्वासको प्रस्ताव पारित भएसँगै नयाँ प्रधानमन्त्री चयन भएका शेहेवाज सारफिले हिजो बेलुका ३० सदस्यीय मन्त्रिपरिषद् गठन गरेका थिए ।
उनीहरूको हिजो बेलुकी नै शपथग्रहण हुनुपर्नेमा राष्ट्रपति बिरामी परेपछि स्थगित भएको छ ।
राष्ट्रपति आरिफ अल्भी अचानक बिरामी बिदामा बसेका कारण कार्यक्रम स्थगित भएको स्थानीय सञ्चारमाध्यमले बताएका छन् ।
यो सँगै अब सिनेट अध्यक्ष सादिक सन्जरानीले नवनियुक्त मन्त्रीहरूलाई शपथ ग्रहण गराउने बताइएको छ ।
शेहेवाजले हिजो नै ४ जनालाई प्रधानमन्त्रीको सल्लाहकारको रूपमा पनि चयन गरेका छन् । मन्त्रिपरिषद्मा पाकिस्तान पिपुल्स पार्टीका अध्यक्ष विलावल भुट्टोलाई समावेश गरिएको छैन ।
इमरान खान विरुद्धको अविश्वासको प्रस्तावलाई सफल बनाउन भुट्टोले मुख्य भूमिका खेलेका कारण उनलाई मन्त्री बनाउने चर्चा चलेको थियो ।
नेपाल प्रेस
प्रकाशित: २०७९ वैशाख ६ गते १३:५२
प्रतिक्रिया
सम्बन्धित खवर
