काबुलको एक विद्यालयमा बम विस्फोट, २५ जनाको मृत्यु
नेपाल प्रेस
२०७९ वैशाख ६ गते १६:५९
काबुल । अफगानिस्तानको पश्चिमी काबुलमा आतंकवादीहरूले विद्यालयमा तीन वटा बम विस्फोट गरेका छन् ।
स्थानीय सञ्चारमाध्यमका अनुसार विस्फोटमा परी हालसम्म २५ विद्यालयका विद्यार्थीको मृत्यु भइसकेको छ, भने दर्जनौँ घाइते भएका छन् ।
बालबालिका विद्यालयबाहिर उभिरहेका बेला बम विस्फोट भएको हो । पहिलो विस्फोट राजधानीको मुमताज शैक्षिक केन्द्र नजिकै भएको थियो ।
त्यसको केही समयपछि अब्दुराहिम साहिद हाई स्कुलमा बालबालिका कक्षाबाट बाहिर निस्कँदै गर्दा अर्को विस्फोट भएको थियो ।
प्रत्यक्षदर्शीका अनुसार बालबालिका विद्यालयबाट बाहिर निस्किँदै गर्दा विस्फोट भएको हो ।
अहिलेसम्म कुनै पनि आतंकवादी समूहले यी विस्फोटको जिम्मेवारी भने लिएको छैन।
नेपाल प्रेस
प्रकाशित: २०७९ वैशाख ६ गते १६:५९
प्रतिक्रिया
सम्बन्धित खवर
