भक्तपुरमा उम्मेदवार घोषणा गर्दै नेकपा एस, कहाँबाट को सिफारिस ?

भक्तपुर । नेकपा (एकीकृत समाजवादी) ले भक्तपुरमा आज उम्मेदवारी घोषणा गर्ने भएको छ । स्थानीय तह निर्वाचनमा नेकपा एसले बुधवार तीन बजे पत्रकार सम्मेलनमार्फत उम्मेदवारी घोषणा गर्न लागेको हो ।

जिल्लामा नेपाली कांग्रेस, नेकपा एमाले, स्थानीय स्तरमा प्रभुत्व जमाउँदै आएको नेपाल मजदुर किसान पार्टीलगायत कुनै पनि दलले उम्मेदवारी घोषणा गरेका छैनन् । नेपाली कांग्रेस, नेकपा ९एमाले०लगायतका दलहरूले उम्मेदवार हुन चाहनेका सूची सङ्कलन गरी केन्द्रमा पठाएका छन् ।

जिल्लामा रहेका चार नगरपालिकाको मेयरको उमेदवार घोषणा गर्न लागेको हो ।  चाँगुनारायण नगरपालिका रामप्रसाद न्यौपाने, मध्यपुर थिमी नगरपालिकामा भवानी खड्का, प्रेमनन्द लाल  श्रेष्ठ,  दुर्गा मोहन श्रेष्ठ र पुण्यरत्न रञ्जितको नाम सिफारिस भएको छ ।

यस्तै गरी भक्तपुर नगरपालिकामा रीता आवल र ओम चरण अमात्यको उमेदवारी घोषाणा गर्न लागेको छ भने  सूर्यविनायक नगरपालिकामा श्याम बस्नेत, अर्जुन बस्नेत र मधुकर थापा मेयर पदमा सिफारिस भएका छन् ।

यता नेपाल मजदुर किसान पार्टीले भने अरू दलको उम्मेदवार तोकेपछि मात्रै अन्तिममा उम्मेदवारी घोषणा गर्ने जनाएको छ ।

चार नगरपालिका रहेको भक्तपुरमा पछिल्लो स्थानीय तहको निर्वाचनमा चाँगुनारायण नगरपालिकामा नेकपा ९एमाले०का मेयर सोमपसाद मिश्रले आठ हजार पाँच सय १२ मत र उम मेयर बिना बास्तोलाले आठ हजार सात सय ७९ मत ल्याएका थिए  भने भक्तपुर नगरपालिकामा एमालेका मेयर विष्णुप्रसाद सुवालले चार हजार दुई सय १८, उपमेयर कृष्णमाया त्वानाबासुले चार हजार ६ सय ३१ मत प्राप्त गरेका थिए ।

यसै गरी सूर्यविनायक नगरपालिकामा नेकपा एमालेका मेयर बासुदेव थापाले १२ हजार एक सय ३५, उपमेयर जुना बस्नेतले १२ हजार आठ सय ३२ र मध्यपुर थिमिमा नेकपा एमालेका मेयर मदनसुन्दर श्रेष्ठले १४ हजार मत पाएका थिए ।

मध्यपुरमा एमालेले त्यो बेला नेपाल मजदुर किसान पार्टीसँग मिलेर चुनाव लडेका कारण उपमेयरमा नेपाल मजदुर किसान पार्टीको भागमा परेको थियो ।

एमालेबाट नै फुटेर नेकपा एस बनेकाले अहिले त्यही एमालेको भोट काट्ने अनुमान गरिएको छ । एमालेको भोट काटेर एमाले हराउने अभियानमा नेकपा एस लागेको बताइन्छ ।