पोखराको मेयरमा नेकपा एसबाट चारजनाको दाबी

पोखरा । सत्ता गठबन्धनमा पोखरा महानगरपालिकाको मेयर पाएको नेकपा एकीकृत समाजवादीले सो पदका लागि चारजनाको नाम केन्द्रमा सिफारिस गरेको छ ।

नेकपा एसबाट पोखराको मेयरका लागि पोलिटव्युरो सदस्य श्रीनाथ बराल, दिलकुमारी पन्त (दिलु), केन्द्रीय लेखा आयोगका सदस्य विजयबाबु बनबासे र कास्की जिल्ला अध्यक्ष धनराज आचार्यले दाबी गरेका छन् ।

नेकपा एसले महानगरपालिकाको मेयरको निर्णय केन्द्रबाट गर्ने भएको छ । दाबेदारमध्ये दिलु पन्त र धनराज आचार्यमध्ये एकजनाको बढी सम्भावना रहेको नेकपा एसका नेताहरूले बताएका छन् ।

पाँच दलीय गठबन्धनमा पोखराको मेयर नेकपा एसले पाउने सहमति भइसकेको छ । तर, कांग्रेसका स्थानीय कार्यकर्ताले असहमति जनाएर कार्यालयमा तालाबन्दी गरेका छन् ।