गठबन्धनमा समझदारी- सहमति नभए मित्रवत् प्रतिस्पर्धा

काठमाडौं । सत्तारुढ गठबन्धनले सहमति बन्न नसकेका स्थानीय तहमा मित्रवत् प्रतिस्पर्धा गर्न सकिने निर्णय गरेको छ ।

गठबन्धनको आजको बैठकले महानगर र उपमहानगरको बाँडफाँट टुंग्याउँदै देशभरका अन्य पालिकाहरुमा पनि सीट बाँडफाँट र उम्मेदवार टुंगो लगाउन मातहतका समितिलाई निर्देशन समेत दिएको छ ।

‘पाँच दलीय गठबन्धनले यसअघि जारी गरेको मापदण्ड, सहमतिको मर्म र भावना अनुरुप सम्बन्धित समितिहरुको बैठक बसी अविलम्ब सिट बाँडफाँट तथा उम्मेदवारहरूको चयन गर्न निर्देशन गरिन्छ । साथै, सहमति बन्न नसकेको अवस्थामा पाँच दलीय गठबन्धनभित्रै मित्रवत् प्रतिस्पर्धा गर्न सकिने समेत समझदारी भयो’, गठबन्धनका शीर्ष नेताहरूद्वारा जारी विज्ञप्तिमा उल्लेख छ ।