देशभरका स्थानीय तहमा एकैदिन निर्वाचन कार्यालय स्थापना
नेपाल प्रेस
२०७९ वैशाख ८ गते १३:४५
कार्यालय स्थापनाबारे जानकारी दिँदै काठमाडौंका मुख्य निर्वाचन अधिकृत राजु खतिवडा ।
काठमाडौं – निर्वाचन आयोगले स्थानीय तह निर्वाचनका लागि बिहीबार देशभरका स्थानीय तहमा मुख्य निर्वाचन अधिकृत तथा निर्वाचन अधिकृतको कार्यालय स्थापना गरेको छ ।
देशभरका ७५३ स्थानीय तहमा निर्वाचन अधिकृतको कार्यालय स्थापना गरिएको आयोगले जनाएको हो ।
काठमाडौं महानगरको मुख्य निर्वाचन अधिकृतको कार्यालय राष्ट्रिय सभागृहमा स्थापना गरिएको छ । काठमाडौंका मुख्य निर्वाचन अधिकृत राजु खतिवडाले अब निर्वाचन अयोगले तयार गरेको कार्यतालिका निर्वाचन अधिकृतको कार्यालयबाट अघि बढ्ने बताए ।
उनले निर्वाचन आचारसंहिता पालना भए नभएकोसमेत जाँचबुझ गर्ने जानकारी दिए ।
आयोगले प्रत्येक निर्वाचन अधिकृतको कार्यालयमा करिब १० जना कर्मचारी रहने व्यवस्था गरेको छ । निर्वाचन आयोगले बैशाख ३० गते हुने स्थानीय तह निर्वाचनका लागि ११ र १२ गते उम्मेदवारी मनोनयन दर्ताको कार्यक्रम राखेको छ ।
नेपाल प्रेस
प्रकाशित: २०७९ वैशाख ८ गते १३:४५
प्रतिक्रिया
सम्बन्धित खवर
