कार्यकाल सकिनुअघि नै चौतारा साँगाचोकगढीका मेयर तामाङले दिए राजीनामा
नेपाल प्रेस
२०७९ वैशाख ८ गते १६:०८
चौतारा । सिन्धुपाल्चोकको चौतारा साँगाचोकगढी नगरपालिकाका मेयर अमानसिङ तामाङले कार्यकाल सकिनु एक महिनाअघि पदबाट राजीनामा दिएका छन् ।
माओवादीबाट निर्वाचित मेयर तामाङले उपमेयर जानुका पराजुलीलाई राजीनामा बुझाएका हन् । निर्वाचन आयोगले पुनः उम्मेदवार बन्न बहालवाला जनप्रतिनिधिले राजीनामा दिनुपर्ने भनेको थियो ।
तामाङ माओवादीबाट पुनः मेयरका आकांक्षी हुन् । उनीसहितको नाम सिफारिस भए पनि टिकट उनले पाउने सम्भावना नरहेको बताइन्छ । व्यक्तिगत जनाधारसमेत राम्रो भएका तामाङ चाँडै नै अर्को कुनै पार्टीमा प्रवेश गरेर मेयरको उम्मेदवार बन्न सक्ने चर्चा पनि चौतारामा चलेको छ ।
तामाङले मेयर पदबाट राजीनामा दिएसँगै पदमा रहे वापत पाउने सबै सुविधा पनि फिर्ता गरेका छन् ।
नेपाल प्रेस
प्रकाशित: २०७९ वैशाख ८ गते १६:०८
प्रतिक्रिया
सम्बन्धित खवर
