संविधानसभा सदस्यसहित लोसपा र जसपाका नेता माओवादी प्रवेश

काठमाडौं । जसपा र लोसपाका केन्द्रीय नेतासहित केही नेता कार्यकर्ताले माओवादी रोजेका छन् ।

संविधानसभा सदस्य तत्कालीन राजपा नेता सल्मा बेगम मिकरानी, लोसपा केन्द्रीय सदस्य सर्लाहीका डा. अब्दुर रहिम मिक्रानी नेकपा माओवादी केन्द्रमा प्रवेश गरेको प्रचण्डको सचिवालयले जनाएको छ ।

नेपाल कम्युनिष्ट पार्टीको स्थापना दिवस एवं लेनिन जयन्तीको अवसर पारेर पेरिसडाँडामा आयोजित कार्यक्रमका बीच उनीसहित जसपा केन्द्रीय सदस्य बागलुङका यमबहादुर घर्तीमगर र प्रदेश समिति सदस्य दिलिप थापामगर, लोसपा केन्द्रीय सदस्य लालबिहारी राय, तत्कालीन राजपाका केन्द्रीय सदस्य हाजी अब्दुल हाफिज पनि माओवादी प्रवेश गरेका छन् ।

विभिन्न पार्टी छाडेर पार्टीमा आएकाहरूलाई अध्यक्ष प्रचण्ड, नेताहरू नारायणकाजी श्रेष्ठ, वर्षमान पुन, देव गुरुङ, देवेन्द्र पौडेललगायतले स्वागत गरेका थिए ।