सिन्धुलीमा कांग्रेस-माओवादी गठबन्धन, नेकपा एससहित तीन दलको विरोध

सिन्धुली । पाँच दलीय गठबन्धनका अन्य तीन दललाई बाहिर राखेर सिन्धुलीमा प्रमुख दुई दल कांग्रेस र नेकपा माओवादी केन्द्रले ९ वटा स्थानीय तहको भागबण्डा गरेका छन् ।

माओवादी नेता हरिबोल गजुरेल समेतको उपस्थितिमा भएको दुई दलीय लिखित सहमतिप्रति नेकपा एकीकृत समाजवादी, जसपा र राष्ट्रिय जनमोर्चाले भने आपत्ति जनाएका छन ।

तर, सहमति अनुसार माओवादीले आफूले पाएका पालिकाको प्रमुख र उपप्रमुखमा उम्मेदवार समेत तय गरेर एक एकजनाको नाम प्रदेशमा पठाइसकेको छ । सहमति अनुसार जिल्लाका ९ मध्ये ५ पालिकामा कांग्रेस र ४ वटामा माओवादीले प्रमुख पाएका छन् ।

कांग्रेसले कमलमाई नगरपालिकासहित गोलन्जोर,फिकल,तीनपाटन,घ्याङलेक र गाउँपालिका पाएको छ । त्यस्तै माओवादीले दुधौली नगरपालिकासहिहत मरिण, हरिहरपुरगढी र सुनकोशी गाउँपालिका पाएको छ । जसले पालिका प्रमुख पाएको छ, उपप्रमुख अर्को दलको हुने भएका छन् ।

यसअघि एमालेले जितेका पालिका दुई दलले बाँडेका हुन् । सुनकोशी, मरिणा र हरिहरपुरगढी यसअघि माओवादील नै जितेको थियो भने गोलन्जोर, तीनपाटन, घ्याङ्लेक कांग्रेसले जितेको थियो ।

एमालेले जितेका कमलामाई, दुधौली, फिकल उनीहरूले बाँडेका हुन् ।