कांग्रेसको निर्वाचन आयोग समन्वय उपसमितिमा आठ सदस्य मनोनीत

काठमाडौं । नेपाली कांग्रेसको ‘निर्वाचन आचारसंहिता अनुगमन तथा निर्वाचन आयोग समन्वय उपसमिति’ मा आठ जना सदस्यहरू मनोनीत भएका छन् ।

कांग्रेस उपसभापति एवं स्थानीय तह निर्वाचन केन्द्रीय परिचालन समितिका संयोजक पूर्णबहादुर खड्काले केन्द्रीय सदस्य मीनबहादुर विश्वकर्माको संयोजकत्वमा गठित उपसमितिमा विभिन्न जिल्लाका आठ जनालाई मनोनीत गरेका हुन् ।

मुख्यसचिव कृष्णप्रसाद पौडेलका अनुसार उपसमितिमा किरण गिरी काठमाडौं, आनन्द सन्तोषी राई धनकुटा, डिपी अर्याल धादिङ, डिपी उपाध्याय कैलाली, गणेश केसी काठमाडौं, श्याम विश्वकर्मा सङ्खुवासभा, दिलिपाश्री अधिकारी स्याङ्जा र मनोज चौधरी सुनसरी छन् ।