चितवनमा कांग्रेसका असन्तुष्ट नेताहरूको भेला, बयोवृद्ध नेता सापकोटा भरतपुरमा बागी दिने तयारीमा

काठमाडौं । भरतपुरको मेयर प्रचण्डकी छोरी रेनुलाई दिएपछि चितवनका असन्तुष्ट कांग्रेस नेताहरू छलफलमा जुटेका छन् ।

जिल्लाका नेता-कार्यकर्ताको सुझाव र भावनाविपरीत माओवादीलाई मेयर दिने निर्णय तत्काल सच्याउन भेलामा माग गरिएको छ ।

कमलनगरस्थित जिल्ला पार्टी कार्यालयमा जारी भेलामा केन्द्रीय सदस्यद्वय टेकप्रसाद गुरुङ र दिनेश कोइरालाले सम्बोधन गरेका छन् ।

भरतपुरका कांग्रेसका पुराना नेता कृष्णलाल सापकोटाले बागी उम्मेदवारी दिन कार्यकर्तामाझ छलफल चलाइरहेका छन् । हालैमात्र चौरासी गरेका बयोवृद्ध नेता सापकोटाले मेयर उठ्ने तयारी गरेसँगै असन्तुष्टिका स्वर मत्थर पार्न जिल्ला सभापति राजेश्वर खनाल सक्रिय भएका छन् ।

केन्द्रीय परिपत्र र गठबन्धनको निर्णयबाहिर गएर कुनै भेला, छलफल, गोष्ठी नगर्न र नगराउनका लागि पार्टीका सबै तह र तप्काका नेता तथा कार्यकर्ताहरूलाई खनालले आव्हान गरिसकेका छन् ।