खाँडादेवी गाउँपालिका अध्यक्ष तामाङ नेकपा एसमा प्रवेश

रामेछाप । खाँडादेवी गाउँपालिका अध्यक्ष प्रेम तामाङ स्थानीय तह निर्वाचनको उम्मेदवारी दर्ताको एक दिनअघि नेकपा एकीकृत समाजवादीमा प्रवेश गरेका छन् ।

गाउँपालिका अध्यक्षमा दोहोरिन चाहेका तामाङले टिकट नपाएपछि मन्थलीमा पत्रकार सम्मेलन गरी नेकपा एसमा प्रवेश गरेका हुन् ।

जिल्ला इन्चार्ज देवशंकर पौडेल, पोलिटव्युरो सदस्य होमaहादुर बुढाथोकीलगायतका नेताहरुको उपस्थितिमा उनी नेकपा एसमा प्रवेश गरेका हुन् ।

एमालेले खाँडादेवी गाउँपालिकाको अध्यक्षमा ज्ञानकुमार श्रेष्ठ र उपाध्यक्षमा रमा घिसिङलाई उम्मेदवार बनाउँदैछ ।
नेकपा एसले खाँडादेवीको अध्यक्षमा प्रेम तामाङलाई नै अघि सार्ने गरी पार्टी प्रवेश गराएको हो ।